شهادت جانسوز تنها یادگار نبی اکرم اسلام محبوبه خدا حضرت فاطمه زهرا ی را خدمت فرزند منتقمش حضرت ولی عصر عج وشیعیان ودوستداران حضرت تسلیت عرض می نمایم

لینک ثابت
 

قورقو بو جوردی قئش دالیسیجان بهار اولار          

    بولبول گولر دوباره چمن لاله زار اولار

آخر سنار طلسم زمان روزگار دونر       

              ایتگین اولاندا بیر گون اولار آشکار اولار

چرخون عجیبه عادتی وار عبرت اخذ ایله       

       بیر گون ایشیقلیق ایلسه بیر گونده تار اولار

بیر گون گدانی پادشه ایلر ایدر عزیز           

           بیر گونده پادشاهین ایشی آه و زار  اولار

بیر گون گولونگی فرهاد الیندن سالار یره      

           منصور عشق قسمتی دونیاده دار اولار

مجنون عشقی لیلیه خاطر سالار چوله       

           پاک عشقی آختاران غم هجره دچار اولار

بیر عده لر تئز الانار عشقین آتوب گئدر      

        بولمز کی عاشیق اولمیان عالمده خوار اولار

هیچ بولمدیم جهاندا گلوم یا کی آغلیوم      

              چون آخشامین گداسی سحر تاجدار اولار

لازمیدی هر کیمه آدینی خوش یازوب گئده     

           یوخسا گئدنلرون آدی دیلدن کنار اولار

بو تپراق عالمینده عجب گئچدی عومروموز      

         یوخ غم یئری بو شعر قالوب یادگار اولار


برچسب‌ها: تبریک
لینک ثابت

سلام اولسون سنه ای خامس آلعبا قارداش
گیدور شامه عیال و عترتون دور سال یولا قارداش
**********
بو چولدن عازمم شامه آلیب اطرافیمی دشمن
یول اوسته کفن و دفنه یوخدی امکان نیلیم بس من
گئدیب یغمایه حتی قالمییوب دور کهنه پیراهن
هوا ایستی وجودین یاره دی باشدان باشا قارداش
**********


برچسب‌ها: کوچ از قتلگاه

قیش فصلنین شاخداسیندا قاریندا

گول آچیب اورکلر گولندی بیردن

 

بیر تاریخ بویوندا باغلی آغیزلار

جراتله آچیلیلب دیللندی بیردن

ادامه دارد

ای نیزده معراج   ایلین   خسرو       عالم

 حق جلوه سینی ایلموسن خلقه   مجسم

                     باخ زینبیوی  مقصده   نایل   ایله   قارداش

                    دیلدن غم و اندوهینی زایل  ایله    قارداش

 

اي كرب و بلاني يتورن عزته قارداش

قرباندي باجون بو حرم و دولته قارداش

 

شوكر ايلورم الهه نصيب اولدي سعادت

گلديم ايليم  قبریوی ای شاه زیارت

بو قبريدي مومن لر اوچون نور هدايت

كيم  ائتسه زيارت يتيشه ر رحمته قارداش

اي اوركلردن آلان صبر و قراري    كربلا

سنده دور يتمش ايكي عاشق مزاري كربلا

*********

سنده قان اولدي عطشدن اهل بيتين سينه سي

سنده  داش نيزه اوخيلا سيندي حق آيينه سي

دفن اولوب توپراقيوه اسرار حق گنجينه سي

ساخليوبسان سينده  زيبا    نگاري    كربلا

 

نه جلالت وار بوتون افلاك باش اكميش سنه

جانيمز  قربان  او  ششگوشه  صفالي مدفنه

گورمسه هر كيم سني ناكامدور اوز عومرونه

سنده دور گويا هامي عشقون بهاری كربلا

 

 

میلاد با سعادت پیامبر اعظم حضرت ختمی مرتبت حضرت محمد بر دوستداران وارادتمندان حضرت مبارکباد

سحر آچیلدی گونش اوجالدی یئتیشدی حقدن بویوک نشانه

خبر گتوردی صبا نسیمی  کی جان جانان    گلیب جهانه

 

ائدیب تجلی گوزل جمالی اولوب خلایق بو حسنه حیران

محبت اهلی چاتیبدی کامه دونوبدی دونیا یوزی جنانه

 

چمن گیندی صفا لباسی  چیچک لنوبدی   دوباره باغلار

اویاندا بولبول بویاندا قمری گلوبدی شوره اوخور ترانه

 

جوشوب بولاقلار گولوب دوداقلار دولوب اورکلر  محبتیله

     موبارک اولسون سیزه بوگونلر     موبارک اولسون  بو خوش زمانه

هوشمند


برچسب‌ها: تبریک
لینک ثابت

آغلاییب  بوشالوب دولماق ایستیرم

کولگنده عومور کن قالماق ایستیرم

بونون وارلیقیمی شیرین عومرومی

سنیله بیر لییب بولماق ایستیرم

یورولاندا  روحوم آرتاندا  غمیم

بیر شیرین دوداقدان گولماق ایستیرم

حیاتیم زایلاشیب آی قوجا ننه

جوانلاش تازادان اولماق ایستیرم

گوللری سارالدیب  خزانین  دادی

کوکوندن غصه نی یولماق ایستیرم

آیاقین آلتیندا آچان بیر گولم

قولومی بوینونا سالماق ایستیرم

لینک ثابت

قویدی  حیرتده  اوز  ایثارینه   دونیانی     شهید

باش و جان فیکرین آتیب خوشلادی جانانی شهید

ادامه دارد


برچسب‌ها: مقام شهدا

اي خاك خراساني ائدن روضه رضوان

گلديم دولانام باشيوه اي خسروخوبان

***********

واردور يري طوس ايليه فردوسه مباهات

هيهات صفاسي چاتا بو قبريوه هيهات

مين درديله مهمانيوم اي قبله حاجات

                                               اي كان كرم صاحب احسان نظر ايله

                                        من هر كيمم اولودوم سنه مهمان نظر ايله


برچسب‌ها: در ارزوی زیارت امام رضا ع
لینک ثابت

اسارتدن قوتاردي اهليبت مصطفي قارداش

گلوبله دوتماقا  قبرين كنارينده عزا قارداش

 

اگر چی قرخ گونی تیر فراقون قلبیمی دلدی

خدایه شوکر اولا زینب وصاله چاتدی دینجلدی

ایاقه دور یارالی قبرین اوسته قیزلارون گلدی

بو توزلی قبریوه یورقون جانیم اولسون فدا قارداش


برچسب‌ها: اربعین حسینی

آلعبا مرامه یئتیشدی قیامیدن

موحرم اولوبدی کعبه آماله شامیدن

 

شامل اولوبدی زینبه حقین عنایتی

سیندیردی کاخ ظلمی اونون صبر و همتی

 

فتح ایلیوب اورکلری  قولباغلی قهرمان

یول سالدی کوی عشقه طرف غملی کاروان

 

هرکس گزوردی قلبیده کی دردینه دوا

آلمیشدی اختیاریلرین شوق کربلا

 

یول اوسته گوردولر کی آخور چوللره فرات

گلدوقجا موجه اود سالیری دیللره فرات

 

آخدوقجا سو ائدیردی  دل زینبی کباب

نهر فراته دوتدی یوزون ایلدی خطاب

 

اولدی بیزه اولان آخاجاقسان نقدری آخ

محنت اسیری اصغر آناسی ربابه باخ

 

سو اولمادي آنا بالادان اولدي شرمسار

قرخ گوندی صود امر بالاسین اوخشار آغلیا


برچسب‌ها: اربعین حسینی

كيمسن اي باش معجز عيساني گوستردين منه

قانلي صورتله بوتون  معناني گوستردين منه

 

بير دانش منله ندن   منحور اولوبدرور حنجرون

ياره لي باش باشيوه قوربان هاني بس پيكرون

نيزه لر  اوسته  سنيلن همسفردور لشگرون

جلوه عشقونده سن يحياني گوستردين منه

 هوشمند

 


قوتاردي كوفه غمي ختمه يئتدي برنامه

چكوبله قافله نی عشق   بو  سفر  شامه

 

بوخيدي اذن بيري ايلسون نوا يولدا

يانان ياناردي غم و درده بيصدا يولدا


مجازی عشقیدن هر کیم کی اولده کنار اولدو
وصاله  چاتماقا  هر بیر  قدم   اومیدوار   اولدو
---------------------------------
او گون کی حضرت حق لفظ عشقی گتدی ایجاده
الست ربکم اولدی طنین انداز معناده
دیوب قالو بلی هر کس بلایه اولدی آماده
اولوب طومارعشق امضا حقیقت آشکا ر اولدو


قبول ایتدی حسین ابن علی تا عشق سوداسین
ائدوب امضا او پیمانی دیله گتدی تمناسین
شریکین انتخاب ایتدی بیلیب تکلیف والاسین
مسیر عشقیده زینب حسینه هم قطار اولدی

اولوب خلوتگه عشق ایچره تا روی سخن آغاز
قبول ایتدی مفاد نامه نی اول   عاشق ممتاز
کی تقدیم ائیله سون جانانه یتمیش بیر نفر سرباز
او قربانگاهیده هم پهلوان هم شیر خوار اولدو


برچسب‌ها: حضرت امام حسین ع

 

ای محنتینده  عالمی آغلار قویان   اوغول

نازیله یاتما  کوللرون  اوسته  اویان  اوغول

 

سس ویر سسیمه ناز ایلمه یوخدی طاقتیم

گل سینمه کول اوستونی ائتمه مکان اوغول

 

آچ قانلی گوزلرون منه خوش گلدین ائت بالا

گلدیم بو تازه  منزلیوه   میهمان    اوغول

 

التماس دعا

بو گئجه عترت پيغمبره آخر گئجه دي

تشنه لبلر تلسور كوثره آخر گئجه دي

 

گون باتان چاغي قشون سالدي يولون خيمه لره

جنگ فرمانی  یئتیب   تیغلره   نیزه لره

خوف و وحشت یارادیب منظره سی تشنه لره

باش و جان فیکرین آتان کسلره آخر گئجه دی

 

 

 

 

عشقون همیشه خوشلامیشام ابتلاسینی

شوکر ایلرم کی تاپموشام حقین ولاسینی

 

اولدوم حسینه نوکر عجب چاتدیم عزته

شاهیم ائدوبدی حالیمه شامل عطاسینی

 

من ویرمرم بهشته حسین استانه سین

رضوانه  ويرمرم  ادينون بير هجاسيني

 

قربان اولوم حسینه امیریمدی بي بديل

جان قویموشام کی بلکه آلام من قاداسيني

 

یاندیردی تشنه لیق گل و گلزار حیدری

شرمنده ایلیوب بالاسیندان اناسینی

 

قاره گییوب قوشولدوم عزاداره یا حسین

چکدیم اورکده عشقمی معیاره یا حسین

 

گوزلر گوزوم بیر ایل بویی ماه محرمی

هر گون گوزومده جلوه لنور کربلا غمی

عشقون اورکده آختارارام بزم ماتمی

ایله اوزون نظر بو گنهکاره یا حسین

 

تا گوزلریم محرم آیین رویت ایلدی

کوی وصاله چاتماقا جدیت ایلدی

کالای عشقی الده گلیب قیمت ایلدی

اظهار ایدوبدی خبره خریداره یا حسین

 

باشدان هوای وصلینی بیر ذره آتمارام

من دلخوشام بو قاریه تندن چیخاتمارام

عشقونله دلخوشام بونی اغیاره ساتمارام

ال دوت گیلن اووزن بو دل افکاره یا حسین

 

باش گوز اغاردی عومر سووشدوقجا موبه مو

هر بیر نفسده ایلمیشم وصلین آرزو

هر آن گوزومده جلوه نور قبر مشگبو

شوق وصال ائدیب منی آواره یا حسین

 

ای شاه عشق بیر نظر ایت حال زاریمه

هر گون خزان یلی اسوری نوبهاریمه

حسرت توزی عومور بویی قوندی عذاریمه

هجرانون ائتدی قلبیمی صدپاره یا حسین

 

هر قدر بارگاهیوه من ایتدوم التجا

گوزی یاشلی ایلدیم نقدر روز و شب  دعا

قالدی گنه اورکده اولان درد بی دوا

حسرتدیم او گلشن و گلزاره یا حسین

 

سن الهین حبیبی سپن ای شاه بی بدیل

من بیر گناه کار کی نفس لیلیوب ذلیل

هر کیم اولام سنون ادیوا اولموشام دخیل

وار دور امیدیم ایلمه آواره یا حسین

 

ای جلوه جمالی  اولان حقه آبرو

ای نازنین وجودینی  تاراج ایدن عدو

قویما قالا منیم اورگیمده بو آرزو

دعوت ایله او مخزن اسراره یا حسین

 التماس دعا

لینک ثابت

 

کربلا ای مدفن شاه     شهیدان     کربلا

سنده کی یئتمیش ایکی قوربانه قوربان کربلا

 

جمع ائدوبسن سینه وه کامل عیار عاشقلری

ائتموسن وصل نگاره بي قرار  عاشقلری

قویما بوندان چوخ وصاله انتظار عاشقلری

صبر اوین ویران ائدیب بو درد هجران کربلا

 

سرور اهل بهشته توپراقين اولموش وطن

عومردن كام الميوب اول قبر پاكي گورمين

زاير عرش الهي دور او قبر اوسته گلن

قدريوه غبطه ائدير كونيله  امكان  كربلا

 

 هوشمند

 

 

 

 


برچسب‌ها: آرزوی کربلا

شهريار عالمين اي دينه قوربان    يا حسين

ای قویان عشقینده مافیهانی حیران  یا حسین

 

سن حبیب لم یزل سن دلبرين دلداريسن

دین یولوندا باش ویرن عاشقلرین سالاری سن

حق و  باطل اهلینین سن بی بدل   معیاری سن

حب و بغضوندور صراط حقه میزان  یا حسین

 

کعبه نی ترک ایلین کوی وفاده  حاجی سن

تاج خلقتسن قويوبسان باشه قاندان تاجي سن

روز محشرده    اولارسان اهل عشقه  ناجی سن

قویماسان قالسونلا محشرده پریشان یا حسین

 

اولماسا گر عشق يول تاپماز سنه عقل و خرد

خونبها دور  قانيوه    ذات    خداوند   احد

قالميشام حيران اليمدن دوت اوزون ايله مدد

مكتبونده قوي اولوم طفل دبستان يا حسين

 

كيم گليب درگاهوه تاپدي مقام و اعتبار

كوي عشوندن گدالر اخد ائدر  عز و و قار

هر ايكي عالم بيزه سنسن اميد و افتخار

مدفنون دور اهل عشقه  عرش سبحان    يا حسين

 

آدم و حواني چكدون ساحله    بحرانيدن

جان عيساني قوتارددون فتنه دونانیدن

كشتي نوحي آپاردين مقصده  طوفانيدن

سن خليله ايلدون ناري گلستان يا حسين

 

صبر قيلدون شكر ايتدون هرقدر گلدي بلا

عهده قيلدون وفا چون   البلا   للولا

ائيله دی  قانین  بلا توپراقيني خاك شفا

سنده دور هر چاره سيز امراضه درمان يا حسين

 

قتلگاه عشقده  یاد  ايلدون داداري سن

قاتلي محراب ايچره آچدون مكتب دلداري سن

تشنه لب آلدون اله عشق عالمي بازاري سن

قالدي حيران عشقوه بو كون و امكان يا حسين

 

حق یولوندا ایلدون  ایثار،  ثاراللهسن

سن  مسير عشقه ده هم رهنما، هم راه سن

زنده سن گر چي قتيل لشگر گمراهسن

چونکه سنسن رهبر کل شهیدان یا حسین

 

بیلمیرم محشر نمایان اولمادی آیا ندن

اوندا کی  یاره ووراردی جسموه هر بیر گلن

تشنه لب القانه باتدون قالدی جسمون بی کفن

ایلدون معبودووه ایفای پیمان  یا حسین

 

نیزیه چیخدی باشون حق اهلینه یول گوستره

باشلادی قرآن يارالي ديللره تسكين وئره

ویردی فرمان شیعه یه  ذلت یاراشماز بیز لره

قانون آخدوقجا چکیب  ناحقه بطلان  یا حسین

 

 

آرتیرور سوز و عطش عشقون صفالی دیللره

پیکرون دوغراندی قران تک یاییلدی چوللره

زینبی  چکدی فلک  روپوشیسیز   محملره

ائیله دی  دریای غم  هر یاندا طوفان یا حسین

 

 

ایستیور سیزدن مدد شعرین یازاندا  "هوشمند"

گوزیاشین جاری ایدور دیوانه تک  هر بند بند

روحیمه هر واژه  ده عشقون آتیر تازه  کمند

گر خطا کارم    منی قوووما  قاپوندان    یا حسین

 

لینک ثابت

اولان همیشه منه یار مهربان عمه

منی قوجاقیوه آل قلبیم اولدی قان عمه

 

دوشوب خیالیمه خوش گونلریم صفای وطن

آلوبدی صبریمی غربت آرا  هوای وطن

نه دور گناه میز اولدوخ بی بی جلای وطن

بو روحیمون قوشونا یوخدی آشیان عمه

ادامه دراد


برچسب‌ها: حضرت رقیه س

ذبح  اعظم  كربلا حسين               اي ديين بلايه بلا  حسين

درگهوندي باب سخا حسين           شاه عشق سنسن آقا حسين

 

نيلييوبدي عشقون اوركلره             عاشق اولموش اهل وفا سنه

تاج و تختيدن شاهلا ر ال چكيب            عجزيله اولوبدور گدا سنه

منده   قاره  اگنیمده  گوزده یاش            ایلورم    آقا    التجا    سنه

سن منه محبت گوزيله باخ               کوی عشقه اول رهنما حسین

 

سن الستيده سويلدون بلا            حقدن الموسان عالي امتياز

قتلگاهيده عهديوه وفا              ايلدون سن اي سرور حجاز

آلموسان اوركدن اخان قانا          ظهر عشقيده قانلي دستماز

بير نماز قيلدون كي ايلسون        اهل عشق اونا اقتدا حسين

 

من نجه ديوم نوكرم سنه            من هارا سنون دولتون هارا

معرفت یوخومدی مقامیوه                بیر گناهکارم یوزوم  قرا

وار همیشه لطف و کرامتون         سالماسان الی بوش بیرین یولا

مین امیدیله گلمشم بو گون            اولموشام  قاپوندا گدا حسین


 

انقلابيوه جانيميز فدا             حق و باطلي روشن ايلدون

حق كتابيني قانلي مهرله          هر نه فتنه دن ايمن ايلدون

چوللري دولاندون وليك سن        كربلا چولون مدفن ايلدون

چاتدي اعتباره  بلا چولي        تاپدي مقدموندن صفا حسين

 

هوشمند 1392  

لینک ثابت

سسلر حسینون آدینی کیم دوشسه موشگوله

وار چوخ صفا آدیندا تسلی ویرر دیله

خوش حالینه او کس کی اولوب عاشیق آدینه

رهرو اولا حسینه و اوز قیمتین بوله

ادامه دارد

به گوش جان رسد از هر طرف صدای غدیر

نزول ایه عشق است ماجرای غدیر

شده هوای بهاری هوای داغ حجاز

ز  یمن  بارش تبریک در قفای غدیر

ملائک آمده با اشتیاق روی زمین

که کسب فیض کند از خم ولای غدیر

دو دستِ عترت و قران بهم گره می خورد

که تا ابد نشود رد ادعای غدیر

کسی نبود بگوید به حاجیان آنروز

شوید شاهد حق حرمت خدای غدیر

تعجبم من ا ز ان مُحرمان  نا محرم

که سعی خویش نکردند بر صفای غدیر

فدای رهرو عشقم که با کمال یقین

به هر قدم برود سوی اعتلای غدیر

به هر وظیفه که جا مانده می کنند قضا

ولی هنوز نگشته ادا قضای غدیر

بگو عدوی علی را که شیعه عاشق

به نقد جان شده در شوق کربلای غدیر

لینک ثابت

عاشیق گزر بو فکریله یئتسون نگارینه

بلبل همیشه عاشیق اولار گل بهارینه

هچ لحظه هچ زامان چاتا بیلمز او ساعته

عشق عالمینده یار چاتا نازلی یارینه

چاتماز مقام و عزته جانان یانیندا گر

عشقون یولوندا باتماسا هجران غبارینه

پروانه شمع شعله سینه وورماسا اوزون

گر یانماسا  خلل یتیشر اعتبارینه

عشق اختارانلارا دیگیلن گز محرمی

گی قاره سنده گل بو محبت بازارینه

تاریخه باخ حسینله بیر کربلایه گل

ویر بیر قولاخ او عاشق خالص شعارینه

هیهات من الذله دیوب گزدی چوللری

تا گلدی  چاتدی یاریله اولموش قرارینه

ادامه دارد

1393


برچسب‌ها: عاشق صادق
لینک ثابت

ای رضاسی حقون رضایتی     شرط دین و ایمان امام رضا

ایلین بیزه  خاک طوسیده         جلوه سین نمایان امام رضا

 

ویرمیسن اجازه قوناق اولام من سنه ایا شاه مقتدا

بخت یا راولوب در گهونده من تاپموشام سعادت اولام گدا

بیر نظر ایله  سینه ده اولان دردیمه قاپوندان الام دوا

دردیم عشق دی نسخه یاز منه ویر حواله دشت كربلا

قویما سینه می اودلویا منیم  سوز درد هجران امام رضا

 

قویما درگهوندن اوزاق دوشم  چون منیم بهشتیمدی بو حرم

جانیمز اولا قبریوه فدا  دوت الیمدن ای صاحب کرم

عاشیقم سنون خاک پایوه  من سنی اورکدن چوخ ایسترم

هر کیمم قوشولودوم    گلن لره آستانونه منده زایرم

گلمیشم سنون تک رئوف اولان پادشاهه میهمان رضا

 

پادشاه اقلیم عشق سن     فتح ائدیب جهانی محبتون

گون به گون سنون آرتور عزتون  آشکا راولور خلقه رحمتون

حق اوزی سنه ایلوب نظر      باشه گلمیندور سخاوتون

یئتمیش حج مقبولیدن  سنون         باشدی  معرفتله زیارتون

قیل کرم بو قبرین زیارتین         هر ایل ایله احسان امام رضا

 

زایل ایلیر درد و غصه سین  کیم گلیب اوپه آستانیوی

سن کریم سن سالماسان یولا  دست خالی هئچ میهمانیوی

آند وئرم اولساعته سنی اودلانیب اوجاتدون فغاینیوی

یولار ا باخیب  کوزده اشک تر گوزلیوردون اوز نوجوانوی

قویما زایرین دیلده کی غمین       ساخلاسون نهان یا امام رضا


برچسب‌ها: امام رضا عرض ارادت
لینک ثابت
میلاد با سعادت هشتمین اختر تابناک آسمان امامت و و لایت را خدمت محبان حضرت تریک عرض می نمایم


برچسب‌ها: تبریک مباد امام رضا ع
لینک ثابت

بار  الها  ائلییور  کفر  اهلی  طغیان    غزه ده

اولدورور انسانلاری بیر عده  شیطان   غزه ده

 

اود یاغیر هر سمتیدن عورت  اوشاقین    باشینه

رحمیسیز    دوشمن  ائدیر   ظلمیله جولان غزه ده

 

کور اولوب دونیا گوزی گورمور  او قانلی گلشنی

لال اولوب سس وئرمیری  انسانه  انسان  غزه ده

 

اووخ وورانلار اصغره رحم ایلمولر بیر کسه

کربلا  دشتی اولوب  گویا  نمایان     غزه ده

 

درسین عاشوردادن هر کیمسه آلیب صبر ائلییور

جلوه نمش   وحدتیله    نور ایمان      غزه ده

 

آز قالیر صبحه گوره حق اهلی  حقین وعده سین

آز قالیر غالب اولا شمشیرلره   قان      غزه ده

هوشمند 1339

لینک ثابت

تمامی حقوق مادی و معنوی " شعر ترکی " برای " محمد هوشمند " محفوظ می باشد!
طـرّاح قـالـب: شــیــعــه تـم